Ағымдағы жылы қазан айының 8-і мен 15-і аралығында жерсеріктік байланыс және хабар тарату арналарының сапасы нашарлауы ықтимал. Ғарыш байланысының республикалық орталығы хабарлағандай, аталған кезеңде күзгі күн интерференциясы күтіледі. Бұл кезде Күн, байланыс жерсерігі мен жербетіндегі ретрансляциялау қабылдағыш антеннасы бір сызыққа тізілетін құбылыс. Радиосигналдың қуатты көзі болып табылатын Күн, байланыс жерсерігінің ар жағында тұрғандықтан, жер бетіндегі хабар таратушы теле- және радиосигналға кедергі келтіреді.